د. شيماء جاد :
بما ان خلاص العالم كله هيبتدى يمهد لرجوع الحياة الطبيعيه
وعلى حد علمى مازال الى الان مافيش مصل او دوا تم اعتماده فعليا
لازم كلنا بمختلف ثقافاتنا نكون واعيين بالاتى
اولا القرارات دى مش معناها اطلق يداك وارجع اخرج بدون حساب لا دة معناه اعقلها وتوكل
يعنى لو مش مضطر للتجمعات والخروج يبقى بلاش لحد ماتسمع بودانك ان الشركة الفلانيه اصدر دوا فعال ساعتها عيش
طيب لو انا مضطر يبقى ركز معايا فى ثانيا?
ثانيا الى الان الحاجة الوحيدة اللى قادرة فعليا على قتل فيروس الكورونا هى خلاياك المناعيه
طيب للى مش عارف ايه هى خلايا المناعة؟؟؟
دى مجموعة من الخلايا ربنا مصنعها جواك عشان تحميك من اى شىء غريب يدخل لجسمك
دى هى جيشك الحقيقى اللى بيرصد اى معتدى دخل جسمك وحرفييييا بتاكله وتموته
لذلك هتسمع عن حالات كورونا ماراحتش مستشفيات وخفو دول ماشاء الله عليهم اللى خلاياهم المناعية صاحية ومفتحة ومتدربة على اعلى مستوى
طيب هو انا ينفع ادرب الجيش المناعى بتاعى واصحصحه بحيث يلقط العدوى بدرى ويتعامل معاهاصح ؟؟؟
ايوة ينفع
( باستثناء مرضى نقص المناعه زى الايدز او اللى زارعين اعضاء او اى حد عنده حالة طبيه خاصة كلامنا فى المجمل)
طيب ازاى؟؟؟
ازاى دى بقة عن طريق وضع خطة محكمة لنفسك
فيها حجات حلوة هتاخدها ✅
وحجات وحشة هتتعمد تتركها❌
طيب ايه نبدا بالبسيط الاول
❌❌❌ايه اللى مطلوب منى تركة ؟؟؟؟❌❌❌❌❌
١- ❌الارق والسهر وقلة النوم انك تنام ٨ ساعات فى اليوم دة اهم شىء عشان جسمك ينضف من الشوائب اللى ممكن تأثر على وظايف الجسم كلها وخلاياك المناعية تتجدد ويحصلها ريفريشمنت كدة
٢- ❌الضغط والتوتر حتى لو انت انسان نمكى وبتركز فى كل حاجة زى حالاتى ?
خلى عندك عالاقل ساعه فى اليوم destress ساعه تامل كدة وصفاء ذهن بدون اى ضغوط او شكوى ساعه واحدة بس من التفكير الايجابى المتعمد كافيه تعدل مودك
٣- ❌السكر الابيض ومشتقاته زى العيش الابيض المكرونة الدقيق الكحك ?
يقال ان تناول معلقة سكر ابيض واحدة بتخفض كفاءة المناعة بنسبة ٥٠٪ لمدة تتراوح من ٦ل٨ساعات انت متخيل الرقم مرعب قد ايه يعنى اللى بياكل سكر باستمرار دة حرفيا ماعندوش مناعة وعرضى للاصابة ببلاوى زرقا مش بس كورونا
طيب بعد مايخلص العيد ونكمل الكحك نحاول نستبدل السكر بالمحليات الطبيعيه زى العسل مثلا التمر والدقيق الابيض نبدله بدقيق الشوفان او الحبوب الكاملة
✅✅✅نيجى للى عايزين نركز فيه فى ستايل حياتنا ✅✅
١- ✅??فيتامين سى ??
دة الوحش بتاعنا اللى هيدخل يدرب الخلايا ويصحصح الخلايا
النايمه اللى مش هتفوق الا اما تاخد جرعتها من فيتامين سى
دة غير انه هو نفسه مضاد اكسده يعنى لو فى شواءب تانيه فى جسمك تضر صحتك هو بيمنعها
كام الجرعه ؟؟؟
من ٩٠ لحااااااد ٢٠٠٠
البروتوكولات العلاجية دلوقتى بتقول احنا ناخد تركيز ١٠٠٠
فحضرتك هتروح الصيدلية تجيب اى نوع فيتامين سى تركيز ١٠٠٠ وتواظب عليه يوميا
طيب مالقتش وشاحح من الصيدليات؟؟
ولا تزعل نفسك هتركز فى اكلك على المصادر الطبيعيه لفيتامين سى زى مين
سامعاك ياللى بتقول البرتقال لا الحقيقة مش البرتقال فى حجات اقوى من البرتقال فى محتوى فيتامين سى
زى بالترتيب
١- الجوافة هى الاعلى على الاطلاق فيها عشر اضعاف الكمية اللى فى البرتقال٢٣٠
٢- الكيوى ١٥٠
٣-قشر الليمون ١٣٠
٤- البروكلى ٩٠
٥- الفلفل الرومى الالوان ٨٠
٦- الفراولة ٦٠
٧- البرتقاااال
يعنى اضعف حاجة هى البرتقال لو كلتلك جوافتين فى اليوم مع شوية فلفل خلاص كدة خد كفايتك وجهازك المناعى بيدعيلك
افتكر دايما وانت بتعمل عصير جوافة ضيف لمونة هتضاعف كمية الفيتامين اللى فيه
٢-✅??الزنك??
زى ماقلنا الخلايا نايمة جوة وعشان تصحصح محتاجة انزيمات والزنك مسوءل عن تحفيز حوالى ٣٠٠ انزيم من الانزيمات الحيوية المهمة وبعضها بيثبط من نمو الڤيرس عشان كدة دخلوه فى بروتوكولات العلاج
انت محتاج فى اليوم تقريبا ١٢ ملجرام ولو حامل او مرضعه بتحتاجى نسبة اكبر شوية
برضو حضرتك هتتوجة لاقرب صيدلية وتشترى مكمل غذائى فيه زنك تركيز اعلى من ٤٠
ولو مالقتش برضو ماتقلقش ركز فى اكلك على ??بالترتيب من الاعلى للاقل
١- اللحوم الحمرا (مش البيضا) يعنى لو فرخة يبقى الورك مش صدر ،اللحمة ، السمك اللى لون لحمته احمر زى التونا مثلا مش البلطى وهكذا اى لحم فتلته حمرا
قطعه لحم متوسطة ١٠٠ جرام هتديك تقريبا نص كمية الزنك اللى محتااجه
طبعا مرضى النقرس يمتنعون❌افضل لهم ياخدو الدوا
٢- الشوكلاته الداكنه غنية جدا بالزنك
٣-البقوليات العدس والفول واللوبيا
٤-المكسرات الكاجو بالذات
٥-البيض بس مش نسبة عالية اوى
٣-✅??فيتامين D??
فى دراسات بتقول ان المرضى اللى كان عندهم نقص فيتامين d اصابتهم بالكوفيد ١٩ كانت خطيرة ونسب الوفيات كانت اعلى
فبما ان تلت ارباعنا عنده نقص vit D نركز بقة
دة مصدرة الطبيعى ان تتعرض للشمس فترة الصبح او العصرلانه بيتصنع طبيعى فى جلدنا لما يتعرض لاشعة الشمس الغير ضارة
طيب بما اننا محجبات ومافيش امكانية ان جزء كبير من الجلد يتعرض للشمس يبقى لااااازم دوا مكمل من الصيدلية جرعتك المطلوبة لو عندك نقص توصل لحد٥٠الف وحدة (مش مطلوب تاخد ٥٠ الف بس اقصد دور على الادوية اللى بتركيز عالى )
لوماعندكش نقص يكفى لحد ٥٠٠٠وحدة وممكن من اكل الاسماك الدهنيةشوية زى السلمون الماكريل (الروسى) القاروص وطبعا منتجات الالبان
٤- نيجى بقة للساحق الماحق هو مش فى بروتوكولات العلاج الحقيقة زى اللى فاتوا بس هو سحروماخيبش معايا ابدا فى اى دور برد
بيدى دفعة لجهاز المناعة
بيظبط الدورة الدموية
بيعالج الالتهابات
بيقلل من الاصابة بالجلطات
انه ???الجنزبيل ???
عليكم بالجنزبيل والعسل
تقطعيه فريش عالشوربة تبشريه عالسلطة ترشى بودرته عالاكل براحتك بقة انا عن نفسى بعمل منه مشروب تحفة
لمون
جنزييل فريش وبودرة
عسل وتغليهم مع بعض
ممكن فى الصيف بعد مانغليه نبرده فى التلاجة وممكن تضيف نعناع وتلج بيكون منعش جدا
وفى الشتا جربوا الحليب الدافى بالعسل وربع معلقة جنزبيل بودرة حلو جدا وبيدفى
ناخد بالنا بس لو حد مريض سيولة مايكترش او يستشير طبيبه لانه بيزود سيولة الدم
كذلك مريض قرحة المعده هيتعبه
وبس كدة لو وقعت فى معلومة جديدة هضيفهالكم
دمتم سالمين معافين
د.شيماء جاد
