اخبار

توزن بالذهب …..

اسمع معي ..
الحلبة بدراستها بتؤكد إنها تسوى وزنها دهب
شوف النبات من إسمه حلبة من كلمة حَلب اللى هوه ادرار حليب الأم أو لبن الأم متحرموش عيالكم من شرب لبن الأم مهما إتقدم العلم عمره ماهيقدر يصنع زى لبن الأم أبدا أبدا الميزة كمان إن الحلبة إما الأم بتشربها بتساعد الطفل الرضيع انه يتخلص من مغصه طبقا للدراسات المنشورة فى ابريل ٢٠٠٥ .
طيب عرفنا ان اسمها حلبة عشان الحَلب والحليب ليه انت قولت انها تساوى وزنها دهب ؟
شوف الفوايد بتاعتها فظيعة والدراسات اللى بتأكد الفوايد بتقول إنها فعالة جدا فى :
١- قاتلة للالام زيها زى الفولتارين بالظبط طبقا للدراسة المنشورة ف فبراير ٢٠٠٩ طبعا بدون مشاكل ولا أعراض جانبية لا ع المعدة ولا الكلى .
٢- علاج جذرى لأعراض انقطاع الطمث الهبات الحرارية و الصهد الرخم ده .
٣- فى كوريا الجنوبية عملو عنه دراسه فى ٢٠١٥ انه بيسد الشهية المفتوحة مع الشمر .
٤- دراسات كتيرة جدا بتتكلم عن دورها فى علاج السكر من النوع الأول والتانى طبعا مع الإلتزام بالخطة الدوائية أو حمية الكيتو لو انت نوع تانى .
٥- فى ديسمبر ٢٠١٧ دراسة شاى الحلبة فعال جدا فى علاج حساسية الصدر و الربو الشعبى طبعا لأنه نبات ملطف لاحظ ان مرضى حساسية الصدر ممنوعين من المسكنات فى حين الحلبة بتسكنهم وبتعالجهم كمان .
٦- أما فى ديسمبر ٢٠١٦ فتنشرت دراسة عن الحلبة بتزيد من إنتاج هرمون الذكورة دا غير كمان قدرته على ظبط عدد وحركة الحيونات المنوية فى السائل المنوى .
٧- واخيرا بتمنع ترسب الدهون الثلاثية على الكبد وبتساعد جدا فى علاج الكبد الدهنى .
فى النهاية النبات ده نبات جبار وفعال فعلا فى علاج العديد والعديد من الأمراض وعليه دراسات كتير بس الناس بعض الأحيان مبتحبش تشربه عشان ريحة الحلبة الجسم بيخرجها فى البول والعرق شوف الموضوع ده ممكن تتغلب عليه بالإستحمام اليومى واستخدام مزيلات العرق أو انك تشرب مع الحلبة المرمرية المرمرية نبات مضاد للتعرق المفرط عامة .
الطريقة العامة لإستخدامه ملعقة صغيرة على كوب ماء ساخن ويشرب ٣ مرات يوميا ..يجب أن نشرب الحلبة كلنا لأنها مفيدة للكل رجالة وستات أطفال وكبار بٰٰ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى