نسمة عبد العزيز: “الماريمبا اتسرقت مني.. واللي اشتراها كان هيعملها ستارة حمام”
كتب : محمد خاطر
أبدت الفنانة نسمة عبد العزيز عازفة الماريمبا، حبها الشديد للموسيقار الكبير عمر خيرت، قائلة: ” أنا بحب الموسيقار عمر خيرت جدا ومش أنا بس ده كل الناس، واللى يعاشره زى ما عرفته يحبه أضعاف مضاعفة أكتر من المزيكا اللي بيقدمها “.
وأكدت عبد العزيز خلال استضافتها من خلال برنامج “معكم” التي تقدمه الإعلامية المتألقة منى الشاذلى، المذاع عبر فضائية cbc، ” علاقتى انطلقت مع الموسيقار عمر خيرت لما كنت طالبة وكنت بشتغل في أوركسترا الاوبرا، ولما شفته الجراءة خدتنى وروحت قلتله أنا بحب المزيكا بتاعتك وقلتله عاوزة العب حاجة على الماريمبا فقالى اختارى واخترت وقتها البخيل وأنا، وأفتكرت أنه هينسى لكن لقيته جايبها ليا متوزعة وكتبلى اهداء لـ “نسومة”، ومن ساعتها عملى “عم صابر” و”مسألة مبدأ، وجزء من “العرافة “.
وتابعت، أنها لم يكن لديها شعبية جارفة بسبب الازعاج التي تسببه لهم، مما دفعها أن تضع كتامات صوف أسفل الخشب حتى تقلل الصوت، مشيرة لحظة زفافها طلبوا منها أن تأخذ الماريمبا معها.
وأضافت، ” الماريمبا كانت حلمى وحوشت جزء من تمنها وماما كملت ليا الجزء الباقى وجبتها بالقسط وفاجأه، وفى مرة كان عندى حفلة وبعد ما خلصتها وهى منقولة على السيارة النقل حد طلع فوق وسرق منها جزء وانا بقى كنت قلبتها مناحة، وعملنا محضر وبعد 3 شهور رجعتلى بس كنت جيبت واحدة تانية وعرفت ان واحد اشتراها من اللى سارق وكان هيعملها “ستارة حمام” ومش فاهمة ازاى “.
وأختتمت، ” عشان اعزف حاجة لازم تلمسنى، وفى حاجات مبتنفعش حتى لو حسيتها انها تطلع زى أغنية “لسه فاكر” للسيدة ام كلثوم، هي مطلعتش من آلة الماريمبا خالص لأن لما حاولت عزفها محسيتش انى قدرت أحققها بالطريقة الأمثل “.
