بقلم الشاعر اللواء محمد هيكل
و بدور ……. جوه عيون الكل
على حاجه تدل
و بدور ….. جوه قلوب الناس
على شجرة ضل
على حبة دفا .. صادقين جدا
مع ريحة فل
على حد يمد ………. ايديه ليا
على حضن …….. مذاكر حنيه
وبدور جوه …… ف أبسط حد
على حد …… يخاف حبه عليا
أنا كل ما بحزن ……….. بلقاني
محتاج ل الناس …… الفهماني
أنا مهما ف سكة جميلة مشيت
إحساس الوحده …….. بيملاني
أنا مهما كبرت …. و مهما عليت
والله ………. انا بصغر من تاني
وبلاقي ان انا …. محتاج الناس
و ان انا من غيرهم …. عيل تاه
دنا أضعف حد …… ياخلق بجد
والله …. … انا أضعف خلق الله
انا ريشه. …… تعبها عناد الريح
أصل الانسان مش مال ولا جاه
أرجوك ان كنت فاهمني صحيح
انا محتاج حضن ….. لوجه الله
