كتب : محمد خاطر
أوضحت الفنانة بشرى، عن سبب طلبها من خطيبها رجل الأعمال سالم هيكل، أن يشتري لها “مدفن” بدلا من الشبكة، إذ أشارت بشرى، خلال تصريحات لبرنامج ” ET بالعربي”: ” الموت مش بعيد يا جماعة، ولازم نفضل نفكر نفسنا، السنة دي خسرنا ناس كتير أوي من أصدقائنا وأساتذتنا وأحبابنا وشباب صغير في السن، لسه بالأمس فقدت صديق عزيز عليا نفس عمري لقى ربه وهو نائم “.
وأضافت: ” مفيش سبب معين لطلبي بس هو خلاص كتر خيره جاب الشبكة وسألني إيه طلباتك فقولته عايزة (مدفن)؛ قلت له زي ما بنعمل لدنيتنا نعمل برضه لآخرتنا “.
وأردفت: ” محدش هيدوم ولا هيفضل عايش، ومن غير أي نكد لازم نتصالح مع الفكرة، الناس المؤمنة بجد لازم تتصالح مع الموت زي ما تتصالح مع الحياة “.
وأكدت بشرى: ” أنا طلبت مدفن عشان إن شاء الله ربنا يتوفاني وأنا معاه، ويا إما أودعه يا إما يودعني، وليّا بُعد آخر في طلبي للمدفن في يوم هعلنه، سمعت كذا موقف قبل كده أثر فيّا “.
وأنهت بشرى حديثها، قائلة: ” أخبرت خطيبي أننا نشتري مكان لما نغادر الحياة يكون لينا ولأي حد من أهلي ميكونش له مكان في أي جبانة (مقبرة) ممكن يدفن فيه إذ أجاز الشرع ذلك “.
من جهة أخرى، احتفلت بشرى بحفل خطوبتها على رجل الأعمال سالم هيكل في حفل ختام مهرجان الجونة السينمائي بدورته المنقضية في اللحظات الأخيرة.
